ბულგარეთის 50-ე ეროვნული ასამბლეის (პარლამენტის) პრეზიდენტად პარტია „მოქალაქეები ბულგარეთის ევროპული განვითარებისთვის“ და დემოკრატიული ძალების კავშირის (GERB – SDS) ალიანსის დეპუტატი რაია ნაზარიანი აირჩიეს. მის კანდიდატურას მხარი 131-მა დეპუტატმა დაუჭირა, წინააღმდეგი იყო 66-ი, თავი შეიკავა 39-მა.
ნაზარიანის მთავარმა კონკურენტმა „რენესანსის“ წარმომადგენელმა პეტარ პეტროვმა 54 ხმა მიიღო. ნაზარიანი 12 წელზე მეტი ხნის განმავლობაში ეწეოდა საადვოკატო პრაქტიკას და აქვს დიდი გამოცდილება კომერციულ, სამოქალაქო და ადმინისტრაციულ სამართალწარმოებაში ბულგარეთის სასამართლოებში.
რაია ნაზარიანი, დაიბადა 1985 წლის 16 სექტემბერს ქალაქ ვარნაში, არის სპეციალისტი მედიაციისა და სასამართლო დავების არასასამართლო გადაწყვეტის, სოფიის ადვოკატთა ასოციაციის წევრი, სამართლის საზოგადოების პარტნიორი და თანადამფუძნებელი. რაია ნაზარიანი პოლიტიკაში მოვიდა 2022 წელს.
