წელს ვარდავარი 7 ივლისს აღინიშნება

იესო ქრისტეს ფერისცვალების ან ვადავარის დღესასწაული სომხური ეკლესიის ხუთი დღესასწაულიდან მესამეა.

იესო ქრისტე, სახარების მიხედვით, წმ. პეტროს, ს. ჰაკობოს და ს. იოანე მოციქულებთან ერთად სალოცავად თაბორის მთაზე ადის.

ლოცვის მომენტში იესო გარდაიქმნება მათ წინაშე. „სახე მზესავით ანათებდა. და მისი სამოსი ნათელივით გათეთრდა“ (მათე 17:2, მარკოზი 9:2, ლუკა 9:29). გაოცებული მოწაფეების  თვალწინ ქრისტე საუბრობს დაახლოებით ათასი წლის წინ გარდაცვლილ მოსესა და წმ. ელია წინასწარმეტყველთან.

წელს ის 7 ივლისს აღინიშნება.

ეს დღესასწაული ასევე ცნობილია როგორც ვარდავარი.

დღესასწაულის დროს ერთ-ერთი ხალხური წეს-ჩვეულებაა ერთმანეთზე წყლის შესხურება და მტრედების გაშვება, რაც სიმბოლოა წარღვნის, ნოეს ოჯახის, ნოეს მტრედის გადარჩენისა. ასევე ჩვეულია ყვავილებით გაფორმება, რაც დიდი სიხარულის გამოხატულებაა ღვთის დიდების გამოჩენის დღესთან დაკავშირებით.

პოპულარული სახელწოდება “ვარდი” ალბათ ვარდის წყლის მოსხმის პრაქტიკიდან მოდის.  დღესასწაულის სახელს „ვარდავარი“ გრიგორ ტათევანცი იესოს ვარდთან შედარებით ხსნის. როგორც ვარდი იმალება თავის კოკორში, სანამ არ გაიხსნება, და როცა გაიხსნება, ყველასთვის ხილულია, ასევე იესო ფერისცვალებამდე ატარებდა ღვთაებრივ არსს საკუთარ თავში და გარდასახვის შემდეგ გამოავლინა თავისი ღვთაებრიობა.

ვარდავარის დღესასწაულს წინ უძღვის შაბათი. მეორე დღეს კი, როგორც ყველა დღესასწაულის შემდეგ, არის მიცვალებულთა მოხსენიება. ყველა ეკლესიაში მიცვალებულთა სულებისთვის წირვა მიმდინარეობს. ჭეშმარიტება, რომ იესო არის ღვთის ძე, დაადასტურა ფერისცვალების დღესასწაულმა. ეს არის ღვთის გზავნილი მოციქულებისა და მთელი მსოფლიოსთვის. “Მოუსმინე მას.”