აშშ-ს არ მიუწოდებია სასიკვდილო იარაღი ერევანისთვის არც პირდაპირ და არც მესამე მხარის მეშვეობით. ამერიკის საელჩო ბაქოში

აშშ-ს არ მიუწოდებია სასიკვდილო იარაღი ერევანისთვის არც პირდაპირ და არც მესამე მხარის მეშვეობით, იტყობინება აშშ-ის საელჩო აზერბაიჯანში.

დიპლომატიურმა წარმომადგენლობამ აღნიშნა, რომ შეერთებული შტატებისთვის უპირველესი მნიშვნელობა აქვს რეგიონში სტაბილურობას და სომხეთსა და აზერბაიჯანს შორის სტაბილური მშვიდობის მიღწევას.

მანამდე აზერბაიჯანული მედია საკუთარ წყაროებზე დაყრდნობით წერდა, რომ, სავარაუდოდ, დასავლეთის ქვეყნები, მათ შორის აშშ, სასიკვდილო იარაღს აწვდიან ერევანს მესამე ქვეყნების გავლით. აღინიშნა, რომ სომხეთში ფრანგული, გერმანული და ამერიკული იარაღის მიწოდება ირანის გავლით ხდებოდა.