ეროვნულმა კრებამ 12 თებერვლის სესიაზე პირველი მოსმენით მიიღო კანონპროექტი „სომხეთის რესპუბლიკის ევროკავშირში გაწევრიანების პროცესის დაწყების შესახებ“.
“არმენპრესის” ინფორმაციით, პროექტს მხარი 63-მა დეპუტატმა დაუჭირა, წინააღმდეგი კი 7 დეპუტატი იყო.
მანამდე ფრაქციის „მაქვს პატივი“ ხელმძღვანელმა ჰაიკ მამიჯანიანმა განაცხადა, რომ კანონპროექტს წინააღმდეგ მისცემენ ხმას, ხოლო ფრაქცია „სომხეთის“ ხელმძღვანელმა სეირან ოჰანიანმა განაცხადა, რომ ფრაქცია კენჭისყრაში მონაწილეობას არ მიიღებს. ფრაქცია „სამოქალაქო ხელშეკრულების“ ხელმძღვანელმა ჰაიკ კონჯორიანმა განაცხადა, რომ მათი ფრაქცია კანონპროექტს მხარს დაუჭერს.
11 თებერვალს ეროვნულმა ასამბლეამ ევროკავშირში სომხეთის გაწევრიანების პროცესის ინიცირების შესახებ კანონპროექტის განხილვა დაიწყო. პროექტი „ევრორეფერენდუმის“ სამოქალაქო ინიციატივამ წარადგინა და შეაგროვა საჭირო ხელმოწერები დადგენილ ვადაში საკანონმდებლო ინიციატივის ეროვნულ ასამბლეაში წარსადგენად. ინიციატივამ საჭირო 50000-ის ნაცვლად 60 000 ხელმოწერის შეგროვება მოახერხა. 9 იანვარს კანონპროექტი განიხილეს და დამტკიცდა სრ მთავრობის სხდომაზე, რის შემდეგაც განსახილველად გადაეგზავნა პარლამენტს.
კანონის საბოლოო ვერსია, რომელიც დაამტკიცა ევროპასთან ინტეგრაციის კომიტეტმა, შემდეგი შინაარსისაა: „სომხეთის რესპუბლიკა, გამოხატავს სომხეთის რესპუბლიკის ხალხის ნებას, სახავს რა ამოცანას, გახდეს სომხეთის რესპუბლიკა უსაფრთხო, უზრუნველყოფილი, განვითარებული და აყვავებული ქვეყანა, აცხადებს სომხეთის რესპუბლიკის ევროკავშირში გაწევრიანების პროცესის დაწყებას“.
