ბაქოში 17 თებერვალს გაგრძელდება რუბენ ვარდანიანის საქმეზე შეთითხნილი სასამართლო პროცესი
ბაქოში 17 თებერვალს გაგრძელდება მთიანი ყარაბაღის ყოფილი სახელმწიფო მინისტრის რუბენ ვარდანიანის შეთითხნილი სასამართლო პროცესი, რომელიც ცრუ ბრალდებით 2023 წლის სექტემბერში დააკავეს აზერბაიჯანის მიერ მთიანი ყარაბაღის წინააღმდეგ განხორციელებული სამხედრო აგრესიის შემდეგ.
„არმენპრესის“ ინფორმაციით, რუბენ ვარდანიანის საქმეზე წინა სასამართლო პროცესი 13 თებერვალს გაიმართა. რუბენ ვარდანიანს ბრალი ახალი შეთხზული ბრალდებებით წაუყენეს აზერბაიჯანელი დიპლომატების წინააღმდეგ ტერორისტული აქტების სავარაუდო დაფინანსებისთვის.
რუბენ ვარდანიანმა წინა სასამართლო პროცესზე უარი თქვა აზერბაიჯანელ ადვოკატზე და ხაზგასმით აღნიშნა, რომ მის უფლებებს მხოლოდ მისი ადვოკატი ავრაამ ბერმანი დაიცავს.
აზერბაიჯანმა უკანონოდ დააკავა და წაუყენა ყალბი ბრალდებები მთიანი ყარაბაღის ყოფილ პრეზიდენტებს: არკადი ღუკასიანს, ბაკო საჰაკიანს, არაიკ ჰარუთიუნიანს, ყარაბაღის ეროვნული ასამბლეის ყოფილ წევრს დავით იშხანიანს, საგარეო საქმეთა ყოფილ მინისტრს დავით ბაბაიანს, თავდაცვის ყოფილ მინისტრ ლევონ მნაცაკანიანს, თავდაცვის მინისტრის ყოფილ მოადგილე დავით მანუკიანს.
ცრუ ბრალდებები წაუყენეს ასევე ვასილი ბეგლარიანს, ერიკ ღაზარიანს, დავით ალაჰვერდიანს, გურგენ სტეფანიანს, ლევონ ბალაიანს, მადატ ბაბაიანს, გარიკ მარტიროსიანს და მელიქსეთ ფაშაიანს.
რუბენ ვარდანიანის წინააღმდეგ შეთითხნილი სისხლის სამართლის საქმე სხვების საქმეს გამოეყო და სასამართლო განცალკევებით მიმდინარეობს.
