აშშ-ის სენატორი სტივ დეინზი გიუმრის წმინდა ამენაფრკიჩის ეკლესიას ეწვია

სამუშაო ვიზიტით სომხეთში მყოფი აშშ-ის სენატორი სტივ დეინზი ეწვია გიუმრის წმინდა ამენაფრკიჩის ეკლესიას.

Armenpress-ის ცნობით, ამის შესახებ განაცხადა აშშ-ის საელჩომ სომხეთში.

„სენატორმა დეინზმა გიუმრის წმინდა ამენაფრკიჩის ეკლესია მოინახულა. მან აღფრთოვანება გამოთქვა სომხეთის მსოფლიოში აღიარებული კულტურული მემკვიდრეობის, სულიერი და არქიტექტურული მდგრადი ღირებულებებისა და ძეგლების მიმართ, რომელთა ერთ-ერთი ნათელი მაგალითია გიუმრიში მდებარე ეს ულამაზესი ისტორიული ნაგებობა“, – ნათქვამია განცხადებაში.