სომხეთი აგრძელებს რუსეთის ფედერაციასთან ურთიერთობებს და ამ ურთიერთობების განვითარებას.
ამის შესახებ სომხეთის რესპუბლიკის პრემიერ-მინისტრმა ნიკოლ ფაშინიანმა თავის Facebook გვერდზე გამოქვეყნებულ ვიდეოში განაცხადა, სადაც დაბალანსებული და დამაბალანსებელი საგარეო პოლიტიკაზე საუბრობდა.
„ჩვენ მნიშვნელოვნად ვავითარებთ და მნიშვნელობას ვანიჭებთ ჩვენს ურთიერთობებს რუსეთის ფედერაციასთან და მე ასევე არაერთხელ მითქვამს, რომ ჩვენი ურთიერთობები რუსეთთან ტრანსფორმაციის ფაზაშია“, – აღნიშნა მან.
პრემიერ-მინისტრის თქმით, ის ამ პროცესს დადებითად აფასებს.
„ტრანსფორმაციის ფაზას დადებითად მივიჩნევ, რადგან, დიახ, ამ ახალ სიტუაციაში ჩვენ რუსეთთან ახალ ურთიერთობებს ვამყარებთ და დარწმუნებული ვარ, რომ ამაში წარმატებას მივაღწევთ“, – თქვა ფაშინიანმა.
მან ხაზგასმით აღნიშნა, რომ მისი ერთ-ერთი მნიშვნელოვანი წინაპირობა ურთიერთობების ღია და გულწრფელი ბუნებაა.
„ჩვენი ურთიერთობები რუსეთთან ღია, გულწრფელია, ამ ურთიერთობებში არანაირი ბნელი კუთხე არ დაგვიტოვებია“, – განაცხადა პრემიერ-მინისტრმა.
