სომხეთში 6 თვეში 14 609 ადამიანი დაიბადა, 13 012 გარდაიცვალა
სომხეთში მიმდინარე წლის პირველ ნახევარში 14 609 ადამიანი დაიბადა, რაც გასული წლის ანალოგიურ პერიოდთან შედარებით 1007-ით ნაკლებია, გარდაიცვალა 13 012 ადამიანი, რაც 58-ით ნაკლებია 2024 წლის ანალოგიურ პერიოდში რეგისტრირებულ გარდაცვლილთა რაოდენობაზე. ამას სტატისტიკის კომიტეტის მიერ გამოქვეყნებული მონაცემებიც მოწმობს.
მოსახლეობის ბუნებრივმა მატებამ 1 597 ადამიანი შეადგინა. მკვდრადშობადობის შემთხვევები მიმდინარე წლის პირველ ნახევარში შემცირდა. მკვდრადშობადობის შემთხვევები 197 იყო, გასული წლის ანალოგიურ პერიოდში კი 229 იყო. სომხეთში იანვარ-ივნისში 6 388 ქორწინება დარეგისტრირდა, რაც 15,3 პროცენტით ნაკლებია 2024 წლის ანალოგიურ პერიოდთან შედარებით. თუმცა, განქორწინებების რაოდენობა გაიზარდა, რეგისტრირებულია 2 352 განქორწინება, გასული წლის იანვარ-ივნისში კი ეს მაჩვენებელი 2 220 იყო.
