როდესაც ჩვენ ჩამოვედით, სამი ამოცანა გვქონდა: ჩვენი ყოფნით სიტუაციის დამშვიდება და მეორეც, ხალხში უსაფრთხოების განცდის შექმნა და ნდობის გაზრდა. ამის შესახებ 15 სექტემბერს, საერთაშორისო კონფერენციაზე სახელწოდებით „ყოვლისმომცველი უსაფრთხოება და მდგრადობა 2025“ გამოსვლისას აღნიშნა სომხეთში ევროკავშირის სადამკვირვებლო მისიის ხელმძღვანელმა მარკუს რიტერმა.
„აზერბაიჯანთან მუშაობა დიდად წარმატებული არ აღმოჩნდა. ჩვენ ვმუშაობთ საზღვარზე მცხოვრებ სომხურ მოსახლეობასთან. ვცდილობთ, ვითანამშრომლოთ 170 არასამთავრობო ორგანიზაციასთან, ზოგიერთ მათგანთან რეგულარული კონტაქტი გვაქვს. გასული წლის ბოლოს დავიწყეთ სასაზღვრო სკოლებში სტუმრობა, რათა ევროპული იდეოლოგია წარგვედგინა. ბევრს წარმოდგენა არ აქვს, რა არის ევროკავშირი და თუ იციან, ეს რუსული ტელევიზიის გადაცემებში მოხდა. ჩვენ ვეცადეთ, ის რეალობასთან ცოტათი მიგვეყვანა. ვხედავთ, რომ განსაკუთრებით ახალგაზრდებს აინტერესებთ, თუ რატომ შეიქმნა ევროკავშირი.
ევროკავშირის წევრობა ან ამ იდეის მაგალითის მიბაძვა არ ნიშნავს შენი ქვეყნის ეროვნული იდენტობის, შენი კულტურის დათმობას.
ჩვენ ვცდილობთ, სასაზღვრო სოფლების ახალგაზრდებს ვუთხრათ, რომ თუ ორივე მხრიდან ნება იქნება, შეიძლება იყოს მშვიდობიანი მომავალი, საზღვრები, რომლებიც კი არ გაყოფს, არამედ დააკავშირებს, რითაც ორივე მხარე ისარგებლებს“, – თქვა მან.
