ევროკავშირი მზადაა, თავისი ინსტრუმენტები ჩადოს „ტრამპის გზის“ პროექტისა და „მშვიდობის გზაჯვარედინის“ ინიციატივის განხორციელებაში
ევროკავშირი მზადაა, თავისი ინსტრუმენტები ჩადოს „კავშირის ხელშეწყობაში“ არა მხოლოდ „ტრამპის გზის“ პროექტის, არამედ „მშვიდობის გზაჯვარედინის“ მთელი ინიციატივის კონტექსტში.
„არმენპრეს“-ის ცნობით, ამის შესახებ სომხეთში ევროკავშირის ელჩმა ვასილის მარაგოსმა სიუნიქის რეგიონში ჟურნალისტებთან საუბრისას განაცხადა, როდესაც სომხეთის, აზერბაიჯანისა და შეერთებული შტატების მიერ ვაშინგტონში 8 აგვისტოს ხელმოწერილ დოკუმენტებზე ისაუბრა.
„8 აგვისტოს ვაშინგტონში გამართული ღონისძიებები და შეხვედრები ევროკავშირმა დადებითად შეაფასა და იმ დღიდან ჩვენ გამოვხატეთ მზადყოფნა, მხარი დავუჭიროთ ამ ინიციატივებსა და კავშირს. ჩვენ მზად ვართ, ჩვენი ინსტრუმენტები ჩავდოთ არა მხოლოდ „ტრამპის გზის“ პროექტის ფარგლებში, არამედ „მშვიდობის გზაჯვარედინის“ მთელი ინიციატივის კონტექსტში, რომელიც ევროკავშირმა ორი წლის წინ, როდესაც სომხეთის მთავრობამ გამოაცხადა ამის შესახებ“, – თქვა მარაგოსმა. ელჩმა დასძინა, რომ ევროკავშირი მუდმივად უჭერს მხარს მშვიდობას სამხრეთ კავკასიაში.
„ძალიან გვიხარია, რომ მშვიდობა მოდის. ბევრი დეტალი ჯერ კიდევ დასაზუსტებელია, მაგრამ ჩვენ აქ ვართ, როგორც სომხეთის, სომეხი ხალხისა და სომხეთის მთავრობის საიმედო პარტნიორი, რათა მხარი დაგიჭიროთ ამ პროცესში“, – აღნიშნა მარაგოსმა.
