სომხეთის რესპუბლიკის საგარეო საქმეთა მინისტრი, არარატ მირზოიანი, შვეიცარიის კონფედერაციის ვიცე-პრეზიდენტს, საგარეო საქმეთა ფედერალური დეპარტამენტის ხელმძღვანელს, იგნასიო კასისს შეხვდა. ამ უკანასკნელმა სრ საგარეო საქმეთა მინისტრი ბერნის ისტორიულ ნაწილში, ფედერალური საბჭოს ოფიციალურ მისაღებ სახლში, სამუშაო სადილის ფორმატში მიიღო. ამის შესახებ იუწყება სრ საგარეო საქმეთა სამინისტრო.
თანამოსაუბრეებმა კმაყოფილებით აღნიშნეს სომხეთსა და შვეიცარიას შორის დინამიურად განვითარებადი პოლიტიკური დიალოგი და სხვადასხვა მიმართულებით პარტნიორობის შემდგომი განვითარების მზაობა. ამ კონტექსტში, ხაზი გაესვა სრ მთავრობის მიერ ბერნში საელჩოს გახსნის გადაწყვეტილების მნიშვნელობას, როგორც ორმხრივი დღის წესრიგის გაფართოებისა და გამდიდრების მნიშვნელოვან პოლიტიკურ იმპულსს.
არარატ მირზოიანმა და იგნასიო კასისმა მოსაზრებები გაცვალეს სამხრეთ კავკასიასა და ახლო აღმოსავლეთში მიმდინარე მოვლენებზე.
მინისტრმა მირზოიანმა წარმოადგინა სომხეთსა და აზერბაიჯანს შორის დამყარებული მშვიდობის შემდგომი ინსტიტუციონალიზაციისკენ მიმართული ნაბიჯები.
მინისტრმა მირზოიანმა მაღალი შეფასება მისცა შვეიცარიის მხარდაჭერას, როგორც სომხეთის დემოკრატიული ინსტიტუტების მიმდინარე გაძლიერების, ასევე ჰუმანიტარული საკითხების მოგვარებისა და ყარაბაღიდან იძულებით გადაადგილებული ლტოლვილების საჭიროებების დაკმაყოფილების საკითხებში.
სომხეთისა და შვეიცარიის საგარეო საქმეთა მინისტრებმა მოსაზრებები გაცვალეს ორმხრივი ინტერესის მქონე თემებზე.
