ადამიანური ძმობის ზაიედის პრემიის შესახებ დოკუმენტურმა სერიალმა ორი Webby მოიპოვა, როგორც მთავარი, ასევე საუკეთესო დოკუმენტური ფილმის ნომინაციებში.
“Armenpress”-ის ცნობით, ამის შესახებ The National იტყობინება.
მრავალსერიიანმა ფილმმა Heartbeat of Humanity („ადამიანობის გულისცემა“ თარგ.) ციფრული ხელოვნებისა და მეცნიერების საერთაშორისო აკადემიის მთავარი პრიზი მოიპოვა, ხოლო პროექტმა 4 მილიონზე მეტი გულშემატკივრის ხმის მიცემის შედეგად საუკეთესო დოკუმენტური ფილმის ნომინაციაში გაიმარჯვა.
გამარჯვებულებს პრიზები 11 მაისს ნიუ-იორკში გადაეცემათ. „ადამიანობის გულისცემა“ მოგვითხრობს „ზაიედის“ პრემიის და მისი ლაურეატების, მათ შორის სომხეთის პრემიერ-მინისტრის, ნიკოლ ფაშინიანის და აზერბაიჯანის პრეზიდენტის, ილჰამ ალიევის ისტორიას. სომხეთის პრემიერ-მინისტრს, ნიკოლ ფაშინიანს და აზერბაიჯანის პრეზიდენტს, ილჰამ ალიევს, 4 თებერვალს „ზაიედის“ 2026 წლის ადამიანური ძმობის პრემია გადაეცათ, სომხეთისა და აზერბაიჯანის რესპუბლიკას შორის მშვიდობის დამყარების, რეგიონში თანამშრომლობისა და სტაბილურობის უზრუნველყოფის დღის წესრიგის თანმიმდევრული წინსვლის აღიარების ნიშნად.
