ლატვიის საგარეო საქმეთა მინისტრმა ბაიბა ბრაჟემ ამის შესახებ კონფერენციაზე „ერევნის დიალოგი“ პანელური დისკუსიის დროს განაცხადა.
„7 მაისს ჩვენი პრეზიდენტი ოფიციალური ვიზიტით სომხეთში ჩამოვა. ეს მნიშვნელოვანი მოვლენაა, რომელიც პირდაპირ აკავშირებს ჩვენს ლიდერებს, პოლიტიკოსებს, ხალხსა და ეკონომიკებს“, – განაცხადა ლატვიის საგარეო საქმეთა მინისტრმა.
მან ასევე აღნიშნა, რომ სომხეთი და ლატვია ერთმანეთთან პირდაპირ ფრენებს ივნისში განაახლებენ, რითაც ხაზი გაუსვა სომხეთსა და ლატვიას შორის ძალიან მჭიდრო და პატივისცემით აღსავსე ურთიერთობებს.
