ირანის ისლამურმა რესპუბლიკამ სომხეთის რესპუბლიკას შესთავაზა ახალი სავაჭრო მოდელი, რომელიც მიზნად ისახავს ირანული ბუნებრივი აირის სომხეთში ექსპორტის მოცულობის გაფართოებას.
Armenpress-ის ცნობით, ამის შესახებ ირანის სააგენტო „ტასნიმმა“ განაცხადა, ირანის ნავთობის მინისტრის, მოჰსენ პაკნეჯადის განცხადებაზე დაყრდნობით, რომელიც მან სომხეთის ტერიტორიული მართვისა და ინფრასტრუქტურის მინისტრ დავით ხუდათიანთან შეხვედრის დროს გააკეთა.
ირანული წყაროს ცნობით, პაკნეჯადმა დასძინა, რომ წინადადების განსახორციელებლად აუცილებელია არსებული ინფრასტრუქტურის ყოვლისმომცველი შეფასება და სომხეთის ბაზრის გარეთ გაზით ვაჭრობის გაფართოების მიზანშეწონილობა სომხეთის, როგორც რეგიონული სატრანზიტო დერეფნის გამოყენებით.
ადრე გავრცელდა ინფორმაცია, რომ სომხეთის ტერიტორიული მართვისა და ინფრასტრუქტურის მინისტრი დავით ხუდათიანი სამუშაო ვიზიტით თეირანში იმყოფება.
