პრემიერ-მინისტრის მოვალეობის შემსრულებელმა ნიკოლ ფაშინიანმა არარატის რეგიონში მხარდამჭერებთან შეხვედრის დროს განაცხადა, რომ ისინი აპირებენ თვეში 50,000 დრამი (დაახლოებით 100 აშშ დოლარი) გადაუხადონ 2022 წელს დაბადებულ ყოველ მესამე და მომდევნო ბავშვს, სანამ ბავშვი 4 წლის გახდება.
“მე ვთქვი შემწეობა? შემწეობა კარგი სიტყვა არ არის, ჩვენ ბავშვს სახელმწიფო გადასახადს გადავუხდით”, – თქვა ფაშინიანმა და აღნიშნა, რომ ამის შესახებ დღეს პირველად აცხადებს.
შეგახსენებთ, რომ ამჟამად ბავშვზე ზრუნვის შემწეობა ყოველთვიურად 26 500 დრამის (დაახლოებით 53 აშშ დოლარი) ოდენობით არის გათვალისწინებული, სანამ ბავშვი ორი წლის გახდება. შეღავათი ერიცხებათ მშობლებს, რომლებიც არიან დაქირავებული მუშაკები, და შვებულებაში არიან სამ წლამდე ასაკის ბავშვზე ზრუნვისთვის.
სომხეთში, ორ წლამდე ასაკის ბავშვისთვის მოვლის შემწეობა ენიჭება იმ მშობელსაც, რომელიც რეალურად ცხოვრობს სოფლის მისამართზე (თუ ბავშვი დაიბადა 2020 წლის 1 ივლისს ან მის შემდეგ), რომელიც მშობიარობის ან ბავშვის მოვლის შემწეობისთვის მიმართვის დღეის მდგომარეობით მინიმუმ ზედიზედ ერთი წელი რეგისტრირებულია სოფლის დასახლების მისამართზე.
სოფელში მცხოვრებ მშობელს მზრუნველობის შემწეობა ეძლევა 26 500 დრამის (დაახლოებით 53 აშშ დოლარი) ოდენობით, სანამ ბავშვი ორი წლის გახდება. თუ სოფლად მცხოვრები მშობელი ამავე დროს დაქირავებული მუშაკია, მაშინ მას გაეცემა დახმარება მზრუნველობისთვის 53,000 დრამი (დაახლოებით 105 აშშ დოლარი).
