მედიაწიგნიერების ინდექსში საქართველო ბოლო ადგილზეა

„ევროპული პოლიტიკის ინიციატივის“ (EuP) და სოფიას ღია საზოგადოების ინსტიტუტის (OSIS) ანგარიშის მიხედვით, 41 ევროპულ ქვეყანას შორის მედიაწიგნიერების ინდექსში საქართველო ბოლო ადგილზეა. https://www.aliq.ge/vrastaneh-mediagragituthyan-indekhsov-verjin-teghum-e/

პირველ ხუთეულში ფინეთი, ნორვეგია, დანია, ესტონეთი და ირლანდია არიან.

ავტორების აზრით, კვლევამ აჩვენა, რომ ჩრდილოეთ და დასავლეთ ევროპის ქვეყნებს ბევრად უფრო შეუძლიათ ცრუ ინფორმაციისგან დაცვა, ვიდრე სამხრეთ-აღმოსავლეთ და აღმოსავლეთ ევროპის ქვეყნებს.

მაქსიმალური 100 ქულიდან საქართველოს მხოლოდ 20 ქულა აქვს და ამ სიაში ბოლო ადგილს იკავებს.

სიაში კავკასიის სხვა ქვეყნები არ არიან შეყვანილი. სიაში არც რუსეთია.

საქართველოს მეზობელ ქვეყნებს შორის კვლევაში მხოლოდ თურქეთი მოხვდა, რომელიც საქართველოს 11 ქულით უსწრებს.

საქართველო ჩამორჩება ჩრდილოეთ მაკედონიას, კოსოვოს, ბოსნია-ჰერცეგოვინას და ალბანეთს.

უკრაინა 39 ქულით 29-ე ადგილზეა.

ევროპული პოლიტიკის ინიციატივა (EuP) და სოფიის ღია საზოგადოების ინსტიტუტი (OSIS) 2017 წლიდან ყოველწლიურად აფასებენ მედიაწიგნიერების დონეს ევროპის ქვეყნებში.

ამ ანგარიშის მეთოდოლოგია, თავის მხრივ, ეფუძნება სხვადასხვა საერთაშორისო ინდიკატორებს: Freedom House და რეპორტიორები საზღვრებს გარეშე, პრესის თავისუფლების ინდექსები და სხვა სხვა მონაცემები.

აღსანიშნავია, რომ ავტორებმა საქართველო წლევანდელ რეიტინგში პირველად შეიტანეს.