ამჟამად ინდოეთი განიხილავს სომხეთის მოთხოვნას Pralay -ის რაკეტების მიწოდების შესახებ. ამის შესახებ ინდური თავდაცვის კვლევის ფრთა წერს.
„ივნისში გავრცელდა ინფორმაცია, რომ სომხეთმა მიმართა ინდოეთს რაკეტის შესყიდვის შეთავაზებით, რათა დააბალანსოს აზერბაიჯანის მიერ ისრაელის LORA სისტემის შესყიდვა; LORA სისტემა, სავარაუდოდ, აზერბაიჯანმა გამოიყენა 2020 წლის ოქტომბერში მთიან ყარაბაღში.
როგორც სარაკეტო ტექნოლოგიის კონტროლის რეჟიმის წევრს, ინდოეთს მოეთხოვება 300 კმ ან მეტი მანძილის მქონე რაკეტების ექსპორტის კონტროლი და 500 კგ ან მეტი ტვირთამწეობის წონა. ამასთან დაკავშირებით, ინდოეთმა Pralay -ს რაკეტა უნდა მოარგოს სომხეთს მისი დისტანციის შემცირებით.
მიუხედავად იმისა, რომ გავრცელებული ინფორმაციით, ინდოეთმა მიიღო სომხეთის მოთხოვნა Pralay -ის მიწოდების შესახებ, გარიგება ჯერ არ დასრულებულა. მაგრამ შეთანხმება შეიძლება მალე დადგეს, ვინაიდან ინდოეთის გარანტია მიუთითებს სწრაფი შეთანხმების შესაძლებლობაზე.
Pralay არის კვაზი-ბალისტიკური, მყარი საწვავის მქონე, მოკლე დისტანციური რაკეტა ,,მიწა-მიწა“. მას შეუძლია სამიზნეების დარტყმა 150-500 კმ მანძილზე.
