სომხეთს აქვს ყველაზე დაბალი ინფლაცია ევრაზიის ეკონომიკური კავშირის  ქვეყნებს შორის

სომხეთში  ადგილი აქვს დეფლაციას,  იტყობინება ევრაზიის ეკონომიკური კავშირის  პრესსამსახური.

ოქტომბრის შედეგების მიხედვით, ევრაზიის ეკონომიკური კავშირის ქვეყნებში წლიურმა ინფლაციამ სომხეთში 0,6%, ბელორუსიაში 5,9%, ყაზახეთში 8,5%, ყირგიზეთში 4,8%, რუსეთში 8,5% შეადგინა.

2023 წლის დეკემბერთან შედარებით, მიმდინარე წლის ოქტომბერში ინფლაციის მაჩვენებელი შემცირდა  ყაზახეთში 1,3 პროცენტული პუნქტით, ყირგიზეთში 2,5 პროცენტული პუნქტით, ბელორუსიაში 0,1 პროცენტული პუნქტით, ხოლო რუსეთში 1,1 პროცენტული პუნქტით.

ანგარიშის მიხედვით, სამომხმარებლო ფასების სტრუქტურაში ინფლაციის შენელება დაფიქსირდა სასურსათო  პროდუქტებში ყაზახეთსა და ყირგიზეთში, არასასურსათო პროდუქტებში სომხეთში, ყაზახეთში, ყირგიზეთსა და რუსეთში, ხოლო სერვისებში ბელორუსიასა და ყირგიზეთში.

„ევრაზიის ეკონომიკური კავშირის    ქვეყნების მთავრობებისა და ცენტრალური (ეროვნული) ბანკების მიერ სამომხმარებლო ფასების ზრდის შეზღუდვისკენ მიმართულმა ზომებმა ხელი შეუწყო ფასების სტაბილურობას“, – ნათქვამია პრესსამსახურის განცხადებაში.