შვედეთის პარლამენტის წევრი ერიკ ჰელსბორნი დადებითად აფასებს სომხეთის მიერ ინიცირებულ პროექტს „მშვიდობის გზაჯვარედინი“ და ერევნის მიერ ამ მიმართულებით გაწეულ ძალისხმევას.
ასეთი მოსაზრება შვედმა დეპუტატმა გამოთქვა „არმენპრესს“-ის კორესპონდენტთან საუბარში, რაც სამხრეთ კავკასიაში საკომუნიკაციო არხების შესაძლო განბლოკვაზე, ასევე ამ საკითხში ერევანსა და ბაქოს შორის არსებულ უთანხმოებაზეც ისაუბრა.
სამხრეთ კავკასიაში რეგიონული საკომუნიკაციო არხების შესაძლო განბლოკვის მიმართულებით სომხეთის მიერ ინიცირებული პროექტის „მშვიდობის გზაჯვარედინი“ მნიშვნელობაზე საუბრისას, შვედმა დეპუტატმა დადებითად შეაფასა ერევნის ძალისხმევა ამ მიმართულებით.
„პოზიტიურია იმის დანახვა, რომ ერევანი აქტიურად მუშაობს პრობლემის გადასაჭრელად“, – აღნიშნა ერიკ ჰელსბორნმა.
შვედმა დეპუტატმა, ისაუბრა იმაზე, რომ აზერბაიჯანი აგრძელებს ე.წ „დერეფნის“ ლოგიკის პროპაგანდას ბლოკადის მოხსნის საკითხში, ხაზგასმით აღნიშნა, რომ სომხეთის ტერიტორიაზე ტვირთების გადაზიდვა სომხური პირობების შესაბამისად უნდა განხორციელდეს.
„გასაგებია, რომ აზერბაიჯანს სურს უფრო მარტივად გადაიყვანოს ხალხი და საქონელი თავისი ძირითადი ტერიტორიიდან დასავლეთის ექსკლავის ტერიტორიაზე (იგულისხმება ნახიჩევანის ავტონომიური რესპუბლიკა). მაგრამ ბაქომ უნდა შეიგნოს, რომ სომხეთის ტერიტორიაზე ტვირთების გადაზიდვა სომხური პირობების შესაბამისად უნდა განხორციელდეს“, – განაცხადა შვედმა დეპუტატმა.
თანამოსაუბრემ ასევე ისაუბრა პრემიერ-მინისტრ ნიკოლ ფაშინიანის ბოლო განცხადებაზე, რომ აზერბაიჯანის კონსტიტუცია შეიცავს ამბიციებს სომხეთის რესპუბლიკის სუვერენული ტერიტორიის მიმართ. „აზერბაიჯანის აგრესიის ისტორიის გათვალისწინებით, მე ვიტყოდი, რომ ასეთი შეშფოთება გასაგებია“.
