საერთაშორისო
ირანის პრეზიდენტმა ვიცე-პრეზიდენტი ზედმეტი ფუფუნებით მოგზაურობის გამო გაათავისუფლა
ირანის პრეზიდენტმა მასუდ პეზეშკიანმა თანამდებობიდან გაათავისუფლა ვიცე-პრეზიდენტი საპარლამენტო საკითხებში შაჰრამ დაბირი ნოვრუზის დროს ექსტრავაგანტული პირადი მოგზაურობის გამო.
IRNA-ს ცნობით, ირანის პრეზიდენტმა განკარგულებაში განაცხადა, რომ დაბირის მოგზაურობის შესახებ ანგარიშის შესწავლის შემდეგ, მან გადაწყვიტა მისი თანამდებობიდან გათავისუფლება:
„საზოგადოების წინაშე არსებული მრავალი ეკონომიკური სირთულის გათვალისწინებით, ოფიციალური პირების ექსტრავაგანტული მოგზაურობები, თუნდაც ისინი პირადი შემოსავლით იყოს დაფარული, არ არის გამართლებული და ეწინააღმდეგება მინიმალისტურ ცხოვრების წესს, რომელსაც ირანელი ჩინოვნიკებისგან მოელიან“, – თქვა პრეზიდენტმა.
