სომხეთში 500 მილიონი დოლარის ღირებულების ხელოვნური ინტელექტის ქარხანა აშენდება

სომხეთი ხელოვნური ინტელექტის გლობალურ მოძრაობას უერთდება, არა დამკვირვებლის, არამედ ახალი შესაძლებლობების შემქმნელის რანგში. თვეების განმავლობაში მოსამზადებელი სამუშაოების შემდეგ, ხელოვნური ინტელექტის კომპანია, სომხეთის მთავრობა და NVIDIA ერთობლივ პროექტს იწყებენ, რომელიც რადიკალურად შეცვლის ჩვენი რეგიონის ტექნოლოგიურ რუკას, დაწერა ინფრასტრუქტურისა და ტრანსპორტის მინისტრმა მხითარ ჰაირაპეტიანმა თავის Facebook გვერდზე. პროექტის ფარგლებში:

• განხორციელდება 500 მილიონი დოლარის ინვესტიცია,

• განთავსდება ათასობით NVIDIA 3D პრინტერი,

• შეიქმნება 100 მეგავატზე მეტი სიმძლავრის ინფრასტრუქტურა,

• გაშვება 2026 წლისთვისაა დაგეგმილი.

„ხელოვნური ინტელექტის ქარხანა გახდება ინოვაციების, განათლების, მეცნიერებისა და მეწარმეობის პლატფორმა. ის  მოახდენს ადგილობრივი და საერთაშორისო სტარტაპების განვითარების სტიმულირებას, უზრუნველყოფს მეცნიერებისა და ტექნოლოგიების კავშირს და სომხეთს რეგიონულ ტექნო-ჰაბად, ხელოვნური ინტელექტის რეალური შექმნის ადგილად გადააქცევს. ამ ინიციატივით, სომხეთი არა მხოლოდ რეაგირებს გლობალურ ტექნოლოგიურ ცვლილებებზე, არამედ ხდება ამ პროცესების მონაწილე. ყალიბდება ახალი პლატფორმა, სადაც ადგილობრივ პოტენციალს ექნება შესაძლებლობა შექმნას თანამედროვე გადაწყვეტილებები საერთაშორისო განვითარების შესაბამისად. ეს არის სტრატეგიული ინვესტიცია ჩვენი ქვეყნის გრძელვადიანი ტექნოლოგიური პროგრესისთვის“, – აღნიშნა მინისტრმა.