სარგის ხანდანიანი უნგრეთში საერთაშორისო სადამკვირვებლო მისიის ხელმძღვანელად დაინიშნა
ეუთოს მოქმედმა თავმჯდომარემ უნგრეთში საერთაშორისო სადამკვირვებლო მისიის ხელმძღვანელად დანიშნა სომხეთის რესპუბლიკის ეროვნული კრების საგარეო საქმეთა მუდმივი კომიტეტის თავმჯდომარე სარგის ხანდანიანი. სპეციალური კოორდინატორისა და მისიის ხელმძღვანელის რანგში სარგის ხანდანიანი კოორდინაციას გაუწევს ეუთოს საპარლამენტო ასამბლეის, ევროპის საბჭოს საპარლამენტო ასამბლეის და ევროპის ეუთოს და დემოკრატიული დაწესებულებებისა და ადამიანთა უფლებების ოფისის მოკლევადიანი სადამკვირვებლო მისიების მუშაობას.
24-26 მარტს უნგრეთის დედაქალაქში სამუშაო ვიზიტის დროს სარგის ხანდანიანი შეხვდა უნგრეთში საარჩევნო პროცესში ჩართულ სახელმწიფო ინსტიტუტებს, არჩევნებში მონაწილე პოლიტიკურ პარტიებს, უნგრეთის პარლამენტისა და მთავრობის წარმომადგენლებს, სამოქალაქო საზოგადოებისა და მედიის წარმომადგენლებს.
შეხვედრებზე სარგის ხანდანიანი გაეცნო არჩევნებისთვის მოსამზადებელ სამუშაოებს და საარჩევნო კამპანიის მიმდინარეობას.
უნგრეთში საპარლამენტო არჩევნები 12 აპრილს გაიმართება.
