პოლიტიკა
ამერიკული კომპანია AECOM-ის წარმომადგენლებმა სომხეთში TRIPP-ის პროექტის ადგილი შეისწავლეს
ამერიკული საინჟინრო და საკონსულტაციო კომპანია AECOM-ის წარმომადგენლები სომხეთს ეწვივნენ.
Armenpress-ის ცნობით, ამის შესახებ სომხეთში აშშ-ის საელჩოს Facebook გვერდზე გამოქვეყნებულ პოსტშია ნათქვამი.
„გასულ კვირას სომხეთში ამერიკულ საინჟინრო და საკონსულტაციო კომპანია AECOM-ს ვუმასპინძლეთ.
AECOM-ის გუნდმა და სომეხი მთავრობის პარტნიორებმა TRIPP-ის ადგილი შეისწავლეს რკინიგზისა და სხვა ინფრასტრუქტურის განვითარების მიზნით, რაც ხელს შეუწყობს ეკონომიკურ ზრდას, კავშირგაბმულობას და რეგიონულ ინტეგრაციას“, – ნათქვამია პოსტში.
