სომხეთსა და რუსეთს განსაკუთრებული ურთიერთობები და ხალხებს შორის სიყვარული აკავშირებს  –  მარია ზახაროვა

მოსკოვსა და ერევანს განსაკუთრებული ურთიერთობები და ხალხებს შორის სიყვარული აკავშირებს. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა. „ჩვენთვის სომხეთი მხოლოდ სუვერენული სახელმწიფო არ არის, თუმცა, უდავოდ, ასეა. ეს ასევე სახელმწიფოა, რომელთანაც განსაკუთრებული ურთიერთობები გვაკავშირებს, ჩვენი საერთო ისტორიის, მრავალი საერთო ფენომენის გათვალისწინებით, რომლებიც გვაერთიანებს: საერთო ოჯახები, პროექტები, ბიზნესი და ურთიერთდაკავშირებული ბედი. „ხალხების, კულტურების გულწრფელი სიყვარული, ურთიერთგაგება – ეს არის რეალური კავშირები“, – ციტირებს ტასი ოლგა ბლაგოვეშჩენსკაიასთან ინტერვიუს.

რუსეთის საგარეო საქმეთა სამინისტროს წარმომადგენელმა დასძინა, რომ მოსკოვი ყოველთვის ერევანს მხოლოდ დახმარებას და მხარდაჭერას უწევდა, რაც, მისი აზრით, დაკავშირებული იყო როგორც გეოპოლიტიკურ ფაქტორებთან, როგორც დიპლომატები ამბობენ, ასევე იმასთან, რასაც თავად ზახაროვა სიყვარულს უწოდებს.

მარია ზახაროვამ აღნიშნა, რომ ორ ქვეყანას ასევე კულტურული ფასეულობები აკავშირებს, რომლებიც „ჭეშმარიტად უზარმაზარ სამყაროს“ წარმოადგენს.

 „მე არც კი ვსაუბრობ იმაზე, თუ რამდენი გააკეთა პირადად რუსეთის პრეზიდენტმა ვლადიმერ პუტინმა სისხლიანი კონფლიქტების შესაჩერებლად, რთულ დროს მხარდაჭერის უზრუნველსაყოფად და ყველაფერი გააკეთა იმისათვის, რომ სომხეთი განვითარდეს. სინამდვილეში, ბევრი რამ გაკეთდა ეკონომიკაში, ენერგეტიკაში, მრეწველობასა და სხვა სფეროებში. „ეს არის ჩვენი მიდგომა და ჩვენამ საკითხში  თანმიმდევრულები ვართ“, – აღნიშნა მან.