სომხეთის პრემიერ-მინისტრმა ნიკოლ ფაშინიანმა უმეგზურა უცხოელ ტურისტებს და დაათვალიერებინა ქალაქი ერევანი. ამის შესახებ ცნობას აქვეყნებს სომხეთის პრემიერ-მინისტრის პრეს-სამსახური.
ნიკოლ ფაშინიანმა და მისმა ქალიშვილმა შუშან ფაშინიანმა ტურისტული ავტობუსით „ერევან სიტი ტურ“ უცხოელ ტურისტებს დაათვალიერებინეს ერევანი, გიდის როლში თავად პრემიერ-მინსიტრი იყო, რომელიც ინგლისურ ენაზე აცნობდა ტურისტებს ერევნის აწყმოსა და ისტორიულ წარსულს, მის არქიტექტურულ თავისებურებას.
შემდეგ პრემიერ-მინისტრმა უცხოელი ტურისტები მიიწვია მთავრობის შენობაში, დაათვალიერებინა შენობა და დარბაზები, გააცნო ისტორია და არქიტექტურას. ტური დასრულდა პრემიერ -მინისტრთან ერთად ღვინის დეგუსტაციით და სიმბოლური საჩუქრებით.