სომხეთის პრემიერ-მინისტრი ნიკოლ ფაშინიანი შეხვდა ბელარუსის პრეზიდენტ ალექსანდრე ლუკაშენკოს, რომელიც სომხეთში ჩამოვიდა ევრაზიის ეკონომიკური კავშირის უმაღლესი საბჭოს სხდომაზე მონაწილეობის მისაღებად.
სომხეთის პრემიერ-მინისტრის ადმინასტრაციის უწყებით, ნიკოლ ფაშინიანმა აღნიშნა, რომ ბელარუსთან ურთიერთობები ზოგიერთ სფეროში საკმაოდ კარგ დონეზეა და ხაზი გაუსვა, რომ ამ მიღწევებზე არ უნდა შეჩერდნენ და ურთიერთობები უნდა განვითარდეს.
”ბელარუსი ჩვენი სტრატეგიული პარტნიორია, ძალიან მნიშვნელოვანი პარტნიორი და ჩვენ ძალიან პროდუქტიულად ვმუშაობთ. იმედი მაქვს, რომ ეს თანამშრომლობა უფრო და უფრო ნაყოფიერი გახდება, ”- განაცხადა პრემიერ-მინისტრმა.
ალექსანდრე ლუკაშენკომ აღნიშნა, რომ სომხეთთან სავაჭრო ბრუნვა მცირეა. ”დღეს, თქვენი პრემიერ-მინისტრად დანიშვნის შემდეგ, მე გადავხედე მონაცემებს, ჩვენ გვაქვს საქონლის ბრუნვის 140 პროცენტიანი ზრდა. ძალიან კარგი ტემპია. ჩვენ ვიპოვნეთ გზები, განსაკუთრებით მაშინ, როდესაც ევრაზიის ეკონომიკურ კავშირში გავწევრიანდით და გარწმუნებთ, რომ ასე გაგრძელდება. ჩვენ მხარს დავუჭერთ თქვენს ბიზნესს ბელორუსში, თუ დაინტერესდებით ჩვენი საწარმოებით, ჩვენ ჩამოვალთ სომხეთში და გავხსნით ერთობლივ საწარმოებს. ”
