სრ სპეციალური საგამოძიებო სამსახურის ინფორმაციით, სპეციალურ საგამოძიებო სამსახურში სისხლის სამართლის საქმის წინასწარი გამოძიების შედეგად მოპოვებული საკმარისი მტკიცებულებების ერთობლიობის საფუძველზე, დადგინდა, რომ სრ მესამე პრეზიდენტის, სერჟ სარგსიანის ორგანიზებით და შპს „ფლეშ“ – ის მფლობელ, ბარსეღ ბეგლარიანის წაქეზებით, სოფლის მეურნეობის მინისტრის ყოფილი მოადგილის სამველ გალსტიანისა და ამავე სამინისტროს აგრარული დეპარტამენტის უფროსის, გევორგ ჰარუთიუნიანის დახმარებით, სოფლის მეურნეობის ყოფილი მინისტრის სერგო კარაპეტიანის მხარდაჭერით, 2013 წლის 25 იანვრიდან 7 თებერვლამდე დროის პერიოდში სრ მთავრობის სარეზერვო ფონდიდან გაიფლანგა სახელმწიფო პროგრამების მხარდაჭერის განხორციელების პერიოდში რეალიზებული 15.391.765 ლიტრი დიზელის საწვავისთვის გამოყოფილი სუბსიდიების დიდი რაოდენობით თანხა – 489.160.310 სრ დრამი.
”ხსენებული დანაშაულებრივი ქმედებების ჩადენისათვის სერგო კარაპეტიანს ბრალი წაუყენეს სომხეთის სისხლის სამართლის კოდექსის 38-179-ე მუხლის მე-3 ნაწილის 1-ლი პუნქტით, სერჟ სარგსიანს – სომხეთის სისხლის სამართლის კოდექსის 38-179-ე მუხლის მე-3 ნაწილის 1-ლი პუნქტით,ბარსეღ ბეგლარიანს – სომხეთის სისხლის სამართლის კოდექსის 38-179-ე მუხლის მე-3 ნაწილის 1-ლი პუნქტით, ხოლო სამველ გალსტიანს და გევორგ ჰარუთიუნიანს – სომხეთის სისხლის სამართლის კოდექსის 38-179-ე მუხლის მე-3 ნაწილის 1-ლი პუნქტით.
სისხლის სამართლის საქმიდან ზემოხსენებული ბრალდებულების შესახებ გამოცალკევებულ საქმესთან დაკავშირებით წინასწარი გამოძიება დასრულებულია. სისხლის სამართლის საქმე საბრალდებო დასკვნით ჩაბარდა ზედამხედველობის განმახორციელებელ პროკურორს, მისი სასამართლოში გაგზავნის შუამდგომლობით”,- ნათქვამია განცხადებაში.
