საქართველოს სტატისტიკის ეროვნული სამსახურის „საქსტატის“ მონაცემებით, 2020 წლის მეორე კვარტალში ქვეყანაში საშუალოთვიურმა ხელფასმა 1150,1 ლარი შეადგინა, რაც 2,5%-ით ნაკლებია გასული წლის ანალოგიურ პერიოდთან შედარებით.
„საქსტატის“ ცნობით, 2020 წლის მეორე კვარტალში, გასული წლის ანალოგიურ პერიოდთან შედარებით, ხელფასების კლება შეიმჩნევა სხვადასხვა სექტორში.
ყველაზე მაღალანაზღაურებადი საფინანსო და სადაზღვევო სფეროებია – 2040,9 ლარი. ეს 14,7%-ით ნაკლებია 2019 წლის ანალოგიურ პერიოდთან შედარებით.
ამასთან, საქართველოში ქალები გაცილებით დაბალ ანაზღაურებას იღებენ – 2020 წლის მეორე კვარტალში ქალების საშუალოთვიურმა ხელფასმა 924,2 ლარი შეადგინა, რაც 31,7%-ით ნაკლებია მამაკაცების საშუალო ხელფასზე.
