სომხეთის რესპუბლიკის გენერალური პროკურატურის ინფორმაციით, ფაქტობრივი ინფორმაცია იქნა მიღებული არცახის წინააღმდეგ სამხედრო აგრესიის ადრე მომზადებასა და მასში თურქეთის შეიარაღებული ძალების მონაწილეობის შესახებ.
”ჯერ კიდევ აგვისტოს დასაწყისიდან, თურქეთის შეიარაღებული ძალების სპეცდანიშნულების სამხედრო მოსამსახურეთა დიდმა ნაწილმა, რომლებიც აზერბაიჯანის შეიარაღებულ ძალებში იმყოფებიან, ჩაატარეს მასობრივი საბრძოლო მომზადება აზერბაიჯანის შეიარაღებული ძალების სამხედრო მოსამსახურეებთან. ტრენინგები ჩატარდა განსაკუთრებით მთიან პირობებში საბრძოლო უნარების შეძენის მიზნით”, – ნათქვამია შეტყობინებაში.
ამავდროულად, წვრთნების დროს, თურქეთის შეიარაღებული ძალების სამხედრო მოსამსახურეებმა გადმოსცეს, რომ უახლოეს მომავალში უნდა განხორციელდეს შეტევა არცახის სამხედრო პოზიციებზე.
3 სექტემბრის შემდეგ აზერბაიჯანელი რეზერვისტები გაწვეულნი არიან ზოგადი მობილიზაციისთვის, საზოგადოების დეზინფორმირებით, რომ ერთკვირიანი სამხედრო სწავლების ჩატარების მიზნითაა. 21 სექტემბრის შემდეგ, როგორც სარეზერვო, ისე რეგულარული არმიის ქვედანაყოფები განლაგდნენ აზერბაიჯანისა და არცახის საზღვართან საბრძოლო პოზიციებზე. 26-27 სექტემბრის ღამეს მათ დაავალეს შეტევა ყველა მხრიდან, აზერბაიჯანის შეიარაღებულ ძალებში არსებული ყველა იარაღის გამოყენებით.
უფრო მეტიც, სექტემბრის შუა რიცხვებიდან საზღვრის მახლობლად მდებარე დასახლებებში, მჭიდროდ დასახლებულ აზერბაიჯანის მოსახლეობის რაიონებში, მოსახლეობის ბაღებში განთავსებულია საარტილერიო სისტემები, რომლებსაც მოქალაქეებს წარუდგენენ, როგორც სამხედრო წვრთნებისთვის. მაგრამ ომის დაწყებიდანვე ამ სისტემებმა შეასრულეს საბრძოლო ამოცანები.
მიღებული ინფორმაციის თანახმად, თურქეთის სპეცდანიშნულების სამხედრო მოსამსახურეები, გეგმის თანახმად, უშუალოდ მონაწილეობდნენ საომარ მოქმედებებში.
აზერბაიჯანის ნაბიჯებთან დაკავშირებით აღძრული სისხლის სამართლის საქმის გამოძიება გრძელდება.
