ეჭვგარეშეა, რომ ქრისტიანული სიწმინდეების ხელშეუხებლობა ყარაბაღში კონფლიქტის დასრულების შეუცვლელი პირობაა. ამის შესახებ თავის Telegram არხში დაწერა მოსკოვის საპატრიარქოს საზოგადოებასთან და მედიასთან ურთიერთობის სინოდალური დეპარტამენტის თავმჯდომარის მოადგილემ ვახტანგ ყიფშიძემ.
”რუსეთის პრეზიდენტის ვლადიმერ პუტინის სიტყვები მნიშვნელოვანი სიგნალია იმ სახელმწიფოსგან, რომელსაც ეკისრება მთავარი პასუხისმგებლობა რეგიონში მშვიდობიანი დარეგულირებისთვის”, – წერს იგი და აცხადებს ვლადიმერ პუტინის მოწოდებას ილჰამ ალიევს, დაიცვას ქრისტიანული სალოცავები ყარაბაღში.
