”თურქეთში აქტიურდება პანთურქული პოლიტიკური ორიენტაციის სხვადასხვა გამოხატულება. ამას განაპირობებს როგორც შიდა, ასევე გარე მოთხოვნილება. აღმოსავლეთმცოდნეობის ინსტიტუტის სამეცნიერო ხელმძღვანელმა აკადემიკოსმა რუბენ საფრასტიანმა გაზეთ “სომხეთის რესპუბლიკა” – სთან ინტერვიუში განაცხადა, რომ შიდა პოლიტიკის თვალსაზრისით ეს უპ.ყოვლისა განპირობებულია იმ გარემოებით, რომ “სამართლიანობისა და განვითარების” პარტიის მოკავშირეა პანთურქული ორიენტაციის პარტია “ნაციონალისტური მოძრაობა”. თურქული მედია წერს, რომ ერდოღანზე დიდი გავლენა აქვს თურქეთის პოლიტიკური ველის ვეტერანს და პარტია ,,ნაციონალისტური მოძრაობის“ დიდი ხნის ლიდერს დევლეთ ბაჰჩელს. საგარეო პოლიტიკის სფეროში თურქეთში პანთურქული მიმართულება აქტიურდება. ეს გამოიხატება როგორც რბილი ძალის გამოყენებაში, ისე სამხედრო სფეროში. პანთურქული ორიენტაციის გარდა, თურქეთის საგარეო პოლიტიკამ ასევე გაააქტიურა პან-ისლამისტური. თურქეთი აქტიურად ცდილობს გახდეს ისლამური სამყაროს ლიდერი. საფრასტიანის თქმით, აქ საინტერესო ახალი მოვლენებია, რომელთა შესახებაც, სამწუხაროდ, ჩვენში ცოტა რამ არის ნათქვამი. კერძოდ, ერდოღანის ეგიდით შეიქმნა კონცეფცია – “ასრიკა” (აზია და აფრიკა), რომლის მიზანია ისლამურ ქვეყნებს შორის თანამშრომლობის გაძლიერება. ეს არის 61 ისლამური ქვეყანა აზიიდან და აფრიკიდან. ამ მიმართულებით უკვე გადადგმულია ნაბიჯები, როგორიცაა ისლამური კონფედერაციის დაარსებაზე მიმართული სამუშაოები, რომლის დედაქალაქი უნდა იყოს სტამბოლი”.
