სომხეთი ვებშეტევებს დაქვემდებარებულ მომხმარებელთა რაოდენობით მსოფლიოში მე -13 ადგილზეა
2021 წლის პირველ კვარტალში სომხეთში ინტერნეტშეტევების (ვებშეტევების) შედეგად დაზარალდა მომხმარებელთა 9,44%, რითაც ქვეყანა მსოფლიოში მე –13 ადგილზეა. ერთი წლის წინ, მომხმარებელთა 28,3% დაესხნენ თავს. მიმდინარე წლის იანვარ-მარტში, მომხმარებელთა ხვედრითი წილი, რომლებმაც ვებ-შეტევა განიცადეს, საქართველოში 8,0% იყო, ხოლო აზერბაიჯანში 8,57% (მე -17 ადგილი)
კასპერსკის კომპანიის მონაცემებით, 2021 წლის იანვარ-მარტში სომხეთში მომხმარებელთა 21, 4% ლოკალური საფრთხეების წინაშე აღმოჩნდა, გასული წლის ანალოგიურ პერიოდში კი – 38%. მიმდინარე წლის იმავე თვეებში მომხმარებელთა 17, 1% ადგილობრივი საფრთხეების წინაშე აღმოჩნდა საქართველოში, ხოლო 26, 4% აზერბაიჯანში. ეს საფრთხეები კომპიუტერში შედის ფაილების ან მოსახსნელი საშუალებებით (ფლეშ დრაივები, კამერა და ტელეფონის მეხსიერების ბარათები, გარე მყარი დისკები) ან გამოჩნდება კომპიუტერში ღია ფორმით (მაგალითად, პროგრამები, რომლებიც შეიცავს კომპლექსურ ინსტალატორებს, დაშიფრულ ფაილებს და ა.შ. .)
ინტერნეტ თავდასხმებისგან, ინფიცირებული ვებ- გვერდებიდან მავნე ობიექტების ჩამოტვირთვისაგან თავის დასაცავად ექსპერტები გვირჩევენ საიმედო, ვებ-მოდულიანი ანტივირუსის გამოყენებას. თავდამსხმელები ქმნიან მავნე საიტებს განზრახ, ან ლეგიტიმურ რესურსებს ტეხენ და მათში სხვადასხვა დანიშნულების სკრიპტებსა და პროგრამებს ნერგავენ, ისეთებს როგორებიც არიან კრიპტოვალუტების ფარული მაინერები, კრიპტოგრაფ-გამომძალველების ჩამტვირთავები, პირადი და საბანკო მონაცემების მოპარვის პროგრამები.
ლოკალური საფრთხეებისგან თავის დასაცავად საჭიროა რამდენადაც შესაძლებელია უარი თქვათ მოსახსნელი საშუალებების გამოყენებაზე, აუცილებლობის შემთხვევაში კი უნდა მოხდეს მათი სკანირება საიმედო ანტივირუსული საშუალებებით. ყოველთვის უნდა შეამოწმოთ ჩამოსატვირთი კომპლექსური ინსტალატორები და არქივები. თქვენი კომპიუტერი ინფიცირებისაგან შეგიძლიათ დაიცვათ ფაილების ავტომატური ჩატვირთვის ფუნქციის გამორთვით.
