26 ივლისს ბაქოს მძიმე დანაშაულთა სასამართლოში გაგრძელდა სომეხი სამხედრო ტყვე დავით ტიგრანის ძე დავთიანისა და გევორგ რუბენის ძე სუჯიანის წინააღმდეგ ყალბი სისხლის სამართლის საქმის სასამართლო განხილვა.
როგორც “არმენპრესი” იტყობინება, აზერბაიჯანული მედიის ცნობით, დავით დავთიანსა და გევორგ სუჯიანს ბრალი წაუყენეს აზერბაიჯანის სისხლის სამართლის კოდექსის 276-ე მუხლით (ჯაშუშობა), 228-ე მუხლით (უკანონო იარაღის შეძენა ან ტარება), 279-ე მუხლით (შეიარაღებული ფორმირებების ან ჯგუფების შექმნა, რომლებიც არ არის გათვალისწინებული კანონით), 318-ე მუხლით (სახელმწიფო საზღვრის უკანონო გადაკვეთა).
