სომხეთის პრეზიდენტის ბრძანებულებით, ნიკოლ ფაშინიანი დაინიშნა სომხეთის რესპუბლიკის პრემიერ-მინისტრად. როგორც “არმენპრესი” იტყობინება, ბრძანებულება გამოქვეყნდა სომხეთის პრეზიდენტის ოფიციალურ ვებგვერდზე.
„კონსტიტუციის 149 -ე მუხლის პირველი ნაწილის საფუძველზე, ნიკოლ ფაშინიანი
დაინიშნოს პრემიერ-მინისტრად”, – ნათქვამია განკარგულებაში.
პრემიერ -მინისტრობის პოსტზე ნიკოლ ფაშინიანის კანდიდატურა წარდგენილ იქნა ეროვნული კრების მმართველი ფრაქციის “სამოქალაქო ხელშეკრულების” მიერ.
ნიკოლ ფაშინიანმა პრემიერ-მინისტრის პოსტი 2021 წლის 25 აპრილს დატოვა და დაიწყო სომხეთში ვადამდელი საპარლამენტო არჩევნების პროცესი. გადადგომის შემდეგ სომხეთის რესპუბლიკის პრემიერ-მინისტრის მოვალეობას ასრულებდა ნიკოლ ფაშინიანი.
