ევროკავშირის ექსპერტებმა დადებითი დასკვნა მისცეს სომხეთის ატომური ელექტროსადგურის მე-2 ენერგობლოკის ექსპლუატაციის გაგრძელების დოკუმენტურ დასაბუთებას
ევროკომისიის აღმასრულებელი ორგანოს – ევროკომისიის ექსპერტების დასკვნა და მათი შეფასებები სომხეთის ატომური ელექტროსადგურის მეორე ენერგობლოკის ექსპლუატაციის ვადის გაგრძელების დამადასტურებელი დოკუმენტების შესახებ ადასტურებს, რომ სომხეთი სწორ გზაზეა ბირთვული ენერგიის ექსპლუატაციისა და ბირთვული უსაფრთხოების თვალსაზრისით. როგორც იუწყება ,,არმენპრესი“ ამის შესახებ ჟურნალისტებს განუცხადა სრ ბირთვული უსაფრთხოების სახელმწიფო მარეგულირებელი კომიტეტის თავმჯდომარის მოადგილემ ვაჰე გრიგორიანმა, რომელმაც წარადგინა უსაფრთხოების დამადასტურებელი დოკუმენტების მონიტორინგის ARRA08 პროგრამის შედეგები
გრიგორიანის თქმით, ევროპელი ექსპერტების შეფასებით, ელექტროსადგურის ექსპლუატაციის ვადის გაგრძელების ნებართვა გამართლებულია.
მეწამორის ატომური ელექტროსადგურის მე-2 ენერგობლოკის ექსპლუატაციის ვადა 2026 წლამდე გაგრძელდა.
მარეგულირებელი ორგანოს ვიცე-პრეზიდენტის თქმით, მისი ლიცენზია 2021 წელს გაიცა. და რადგან ეს ნამუშევრები წარმოადგენს ბევრ უსაფრთხოების ზომას, ბევრ დოკუმენტურ დასაბუთებას – საუბარია ათასზე მეტ დოკუმენტზე, რომელიც მოითხოვს ადამიანურ რესურსებს, დროს – ფინანსებს, – ამიტომაც 2015-16 წლებში, როცა უკვე განიხილებოდა ეს საკითხი მე-2 ენერგობლოკის მოქმედების ვადის გახანგრძლივებასთან დაკავშირებით, სომხეთის მარეგულირებელმა ორგანომ ევროკომისიას სთხოვა, გამოეგზავნა ევროპელი ექსპერტები, რათა დახმარებოდნენ სომხურ მხარეს დოკუმენტების განხილვისა და გადაწყვეტილების მიღების პროცესში. მიზანი იყო იმაში დარწმუნება, რომ სწორი გადაწყვეტილებები იყო მიღებული, სწორი დასკვნები გაკეთდა დოკუმენტებთან დაკავშირებით. 2016 წელს ევროპულ მხარესთან გაფორმდა ხელშეკრულება, რომლითაც აღმოჩენილი იქნა მხარდაჭერა.
პროგრამა თავიდან სამ წელზე იყო გათვლილი, მოგვიანებით კი კიდევ ორი წლით გაგრძელდა და დღეს ვასრულებთ ამ ღონისძიებას“, – დასძინა ვაჰე გრიგორიანმა.
ARRA08 პროექტში მონაწილეობა მიიღეს ევროპის სხვადასხვა ქვეყნის მარეგულირებელმა ორგანოებმა. ორგანიზაციებს, რომლებმაც მონაწილეობა მიიღეს ელექტროსადგურის ვადის გაგრძელების ექსპერტიზაში ამ სფეროში დიდი გამოცდილება აქვთ. მეწამორის ატომური ელექტროსადგურის მე-2 ენერგობლოკის უსაფრთხოების ტექნიკური დახმარების ორგანიზაციების რიცხვშია ფრანგული IRSN, რადიაციული დაცვისა და ბირთვული უსაფრთხოების ინსტიტუტი. პროექტს ხელმძღვანელობდა IRSN-ის წარმომადგენელი ვასილი ბორზოვი, რომელიც მასპინძლობდა ღონისძიებას. პროექტის ფარგლებში მუშაობდა 40 სპეციალისტისგან შემდგარი დიდი ჯგუფი და 72 ასისტენტი სხვადასხვა ქვეყნიდან – გერმანიიდან, ესპანეთიდან, იტალიიდან, უკრაინიდან და ჩეხეთიდან.
არამ სარგსიანი
