სპეციალისტები სომხეთის ახალი ატომური ელექტროსადგურისათვის, რომლის მშენებლობასაც „როსატომი“ სომხეთში აპირებს, რუსეთში გადამზადდებიან. ამის შესახებ სომხეთის ატომური ელექტროსადგურის გენერალურმა დირექტორმა ედუარდ მარტიროსიანმა TASS-ის კორესპოდენტს აცნობა.
აღნიშნულია, რომ სომხეთში არსებული ატომური ელექტროსადგურის ექსპლუატაციის ვადა 2026 წლამდე გაგრძელდა, შემდეგ კი მოხდება მისი კიდევ 10 წლით გაგრძელება. როგორც ედუარდ მარტიროსიანმა აღნიშნა, ახალი ატომური ელექტროსადგურის მშენებლობას 10-12 წელი დასჭირდება.
ედუარდ მარტიროსიანმა განაცხადა, რომ განიხილება მცირე სადგურების ვარიანტიც. მისი თქმით, არსებობს შესაძლებლობა GeoProMining Armenia-მ ააშენოს ასეთი სადგური სიუნიქის რეგიონში.
