ჯანმო არ გამორიცხავს, რომ ევროპაში ეპიდემია ომიკრონის ტალღის შემდეგ დასრულდება

ჯანდაცვის მსოფლიო ორგანიზაცია (WHO) არ გამორიცხავს, ​​რომ ევროპაში ეპიდემია დასრულდეს კორონავირუსის „ომიკრონის“ შტამის  მიმდინარე ტალღის შემდეგ. ამის შესახებ ჯანდაცვის მსოფლიო ორგანიზაციის დირექტორმა ევროპის რეგიონში ჰანს კლუგენმა AFP-სთან ინტერვიუში განაცხადა.

მისი თქმით, სავსებით შესაძლებელია, რომ რეგიონი ეპიდემიის ბოლო ეტაპს უახლოვდება. მაგრამ კლუგემ მიზანშეწონილად მიიჩნია  SARS-CoV-2-ის შესაძლო ახალი შტამების მონიტორინგი.

როგორც ჯანმო-ს წარმომადგენელმა აღნიშნა, როდესაც ევროპაში ომიკრონის ტალღა ჩაქრება, „რამდენიმე კვირაში და თვეში იქნება გლობალური იმუნიტეტი ან ვაქცინაციის გამო, ან იმის გამო, რომ ადამიანებმა იმუნიტეტი შეიძინეს ინფექციის შემდეგ“. ვითარებაზე შეიძლება გავლენა იქონიოს იმანაც, რომ წელიწადის თბილი ამინდი ახლოვდება.

”და ასე რომ, ჩვენ შეგვიძლია მოვემზადოთ მშვიდი ფაზისთვის, სანამ COVID-19 დაბრუნდება წლის ბოლომდე, მაგრამ ეპიდემია არ უნდა დაბრუნდეს”, – თქვა კლუგემ. თუმცა, მისი თქმით, კორონავირუსმა „არაერთხელ გაგვაოცა, ამიტომ ძალიან ფრთხილად უნდა ვიყოთ“.