26 იანვარს, ოფიციალური ვიზიტით ლუქსემბურგში მყოფი სომხეთის რესპუბლიკის საგარეო საქმეთა მინისტრი არარატ მირზოიანი შეხვდა ლუქსემბურგის დეპუტატთა პალატის თავმჯდომარეს ფერნან ეტგენს. შეხვედრას ასევე ესწრებოდა დეპუტატთა პალატაში წარმოდგენილი ყველა პოლიტიკური ძალის წარმომადგენელი.
სომხეთის საგარეო საქმეთა სამინისტროს ინფორმაციით, არარატ მირზოიანმა და ფერნან ეტგენმა კმაყოფილება გამოთქვეს ორ ქვეყანას შორის, მათ შორის, საპარლამენტთაშორისო დონეზე დამკვიდრებული ეფექტური თანამშრომლობის გამო. მხარეებმა ხაზი გაუსვეს ლუქსემბურგის პარლამენტებში მოქმედ მეგობრობის ჯგუფებს შორის კავშირების გაძლიერებას, საერთაშორისო საპარლამენტო პლატფორმებს, კერძოდ, ევროსაბჭოს საპარლამენტო ასამბლეის ფარგლებში, საკანონმდებლო ორგანოებს შორის თანამშრომლობის გაძლიერებასა და გაფართოებას.
საუბარი შეეხო სომხეთ-ევროკავშირის ყოვლისმომცველი გაფართოებული პარტნიორობის შეთანხმების ეფექტურ განხორციელებას. არარატ მირზოიანმა კიდევ ერთხელ დაადასტურა სომხეთის ვალდებულება განავითაროს თანამშრომლობა ევროკავშირთან შეთანხმების ფარგლებში, ამ კუთხით ლუქსემბურგის მხარდაჭერის გამოყენებით.
