ოპერისა და ბალეტის ეროვნულ აკადემიურ თეატრში გაიმართება კონკურსი ,,მის დსთ-2022″
ივნისის დასაწყისში ალექსანდრე სპენდიარიანის სახელობის ოპერისა და ბალეტის ეროვნულ აკადემიურ თეატრში სომხეთში უკვე მეორედ ტარდება კონკურსი „მის დსთ-2022“. ამის შესახებ იუწყებიან კონკურსის ორგანიზატორები.
კონკურსის მიზნებზე, კრიტერიუმებსა და სხვა კითხვებზე პასუხის მისაღებად პრესკონფერენცია მოეწყო. მომხსენებლები იყვნენ სილამაზის საერთაშორისო კონკურსის “მის დსთ”-ის დამფუძნებელი ნაირი მნაცაკანიანი, კონკურსის დირექტორი რუბინა გრიგორიანი, ორგანიზატორი კომპანიის მარკეტინგის ხელმძღვანელი ჰარუთიუნ ტორტიკიანი და კონკურსის მონაწილეებზე პასუხისმგებელი პირი ლიანა ვოსკერჩიანი.
ჟურნალისტების კითხვებზე პასუხის გაცემისას ნაირი მნაცაკანიანმა აღნიშნა, რომ კონკურსს მასშტაბური ხასიათი აქვს, რომელშიც დსთ-ს და არამარტო 16 ქვეყნიდან ლამაზმანი მონაწილეობენ. კონკურსის ყველაზე მნიშვნელოვანი მიზანი კი სომხეთის ცნობადობის დონის ამაღლებაა, რაც კონკურსის მონაწილეთა დამსახურებაა. კონკურსის ჟიური ობიექტურობისა და მიუკერძოებლობის შესანარჩუნებლად კონკურსამდე რამდენიმე დღით ადრე გახდება ცნობილი. ჟიური დაკომპლექტდება 13 წევრისგან, რომელთაგან 2 სომეხი, ხოლო დანარჩენი წევრები სხვა ქვეყნების წარმომადგენლები იქნებიან. რუბინა გრიგორიანმა დასძინა, რომ კონკურსის მონაწილეები სომხეთში 15 დღის განმავლობაში იმყოფებიან, რომლის ფარგლებშიც დაგეგმილია ტურები და კამპანიები სომხეთის მთელ ტერიტორიაზე. კონკურსის მონაწილეებს, რომლებსაც ჰყავთ ინტერნეტში დიდი აუდიტორია, შეუძლიათ წვლილი შეიტანონ სომხეთში ტურიზმის ზრდაში, რაც ახალ დონეს მოუტანს სხვა სფეროებს.
გამარჯვებული მონაწილე მიიღებს ძვირფას გვირგვინს, რომელიც საჩუქარი იქნება წლევანდელ ლამაზმანს და არ გადაეცემა მომავალი წლის გამარჯვებულს. გრიგორიანმა აღნიშნა, რომ სახელმწიფოს მხარდაჭერა არ არსებობს, ყველაფერი მათი ინიციატივით კეთდება. კონკურსი ემსახურება საზოგადოების ინტერესს, რამაც შესაძლოა რამდენიმე წელიწადში სომხეთს ახალი კარი გაუხსნას ამ სფეროში.
ლიანა ვოსკერჩიანის თქმით, სომხეთს ჯერ არ ჰყავს არჩეული მონაწილე და საარჩევნო პროცესი ჯერ კიდევ განხილვის პროცესშია.
რუსეთ-უკრაინის ბოლო თვეების ომზე და მის როლზე შეჯიბრში, ნაირი მნაცაკანიანმა აღნიშნა, რომ ეს არის კულტურული პლატფორმა, რომელიც ყველამ კარგად იცის.
„პოლიტიკური მოსაზრებები გამორიცხულია“, – წერს განცხადებაში.
