ტურისტული სეზონის წინ სამოქალაქო ავიაცია ნაკადის ზრდას პროგნოზირებს. ახალი რეისები დაიწყება რომის და ლარნაკას მიმართულებით

სომხეთის სამოქალაქო ავიაციის კომიტეტი ტურისტული სეზონის წინ ტრაფიკის ზრდას პროგნოზირებს. “არმენპრესი” სამოქალაქო ავიაციის კომიტეტის თავმჯდომარის მოადგილეს მიჰრან ხაჩატრიანს ახალ მიმართულებებზე, ფრენებზე, სრ-ევროკავშირის ერთიანი საავიაციო ზონის შეთანხმებაზე და სხვა საკითხებზე ესაუბრა.

ხაჩატრიანის თქმით, რუსეთ-უკრაინის მოვლენებმა თავისი გავლენა იქონია როგორც საერთაშორისო საავიაციო ბაზარზე, ასევე სომხეთის საავიაციო ბაზარზე. კერძოდ, საგრძნობლად გაიზარდა ტრანზიტული ფრენები სრ აეროპორტებში.

სამოქალაქო ავიაციის კომიტეტის თავმჯდომარის მოადგილემ აცნობა, რომ ამჟამად სრ საავიაციო ბაზარზე 8 სომხური გადამზიდავია. სს „სომხეთის ეროვნულმა ავიახაზებმა“ (FlyArna) უკვე მიიღო საჰაერო ხომალდის ოპერატორის სერთიფიკატი სრ სამოქალაქო ავიაციის კომიტეტისგან და კომპანია ამჟამად ემზადება ფრენების დასაწყებად.

ხაჩატრიანის თქმით, ავიაკომპანია Wizz Air ითვალისწინებს ლარნაკა-ერევანი-ლარნაკას მიმართულებით რეგულარულ ფრენებს მიმდინარე წლის 22 ივნისიდან, ასევე რომი-ერევანი-რომის მიმართულებით ფრენების დაწყებას 5 სექტემბრიდან. კომიტეტი რეგულარულად იღებს განაცხადებს რამდენიმე რეისზე.

რაც შეეხება სომხეთ-ევროკავშირის საერთო საავიაციო სივრცის შეთანხმების ფარგლებში გაწეულ მუშაობას, ხაჩატრიანმა აღნიშნა, რომ შეთანხმების ხელმოწერა გულისხმობს, რომ სომხეთი გაათავისუფლებს სამოქალაქო ავიაციის ურთიერთობებს ევროკავშირის ყველა წევრ სახელმწიფოსთან, დანერგავს ევროკავშირის მოქმედ სტანდარტებს, ასევე ავიაკომპანიებისთვის ითვალისწინებს პროგნოზირებად და კონკურენტულ პირობებს საავიაციო საქმიანობის განვითარებისთვის.