ფრანგული ესტრადის ვარსკვლავის ზაზის პირველი კონცერტი ერევანში 25 ივნისს ჰრაზდანის სტადიონზე “ჰაია” ფესტივალის ფარგლებში გაიმართება. კონცერტს „ევროვიზია 2022“-ში სომხეთის წარმომადგენელი როზა ლინი და ახალგაზრდა ნიჭიერი სომეხი მუსიკოსი პარგი გახსნიან.
კონცერტის სტუმარი შემსრულებელია დუდუკისტი კამო სეირანიანი, რომელიც ზაზთან ერთობლივი შესრულებით მაყურებელს სომხური დუდუკის ჯადოსნურ ჟღერადობას გადასცემს.
ფესტივალის შემდეგი სტუმარი მსოფლიოში ცნობილი რეპ-მუსიკოსი 50 Cent იქნება, რომლის კონცერტი ჯგუფ G-Unit-თან ერთად 1 ივლისს გაიმართება.
Led Zeppelin Symphonic-ის ექსკლუზიური საღამო 9 ივლისს გაიმართება. ლეგენდარული ჯგუფის მუსიკას ლონდონის უესტ-ენდის სამი ფენომენალური მომღერალი ასრულებს საუკეთესო ბრიტანული როკ-ჯგუფისა და სიმფონიური ორკესტრის თანხლებით. წარმოდგენილია სულ 25 სიმღერა, მათ შორის ყველაზე პოპულარული ჰიტები: Whole Lotta Love, Black Dog, Kashmir, Rock & Roll, Dazed & Confused, Stairway to Heaven. პროექტი შეიქმნა ლეგენდარული ჯგუფის წევრების მხარდაჭერით, რომლებიც ლონდონში პროგრამის პრემიერას დაესწრნენ.
„HAYA“ ახალი პროექტია, რომლის მისიაა სომხეთში საკონცერტო საქმიანობის ახალი ფორმატისა და სტანდარტების შექმნა. იგი განკუთვნილია ფართომასშტაბიანი ღონისძიებებისთვის. ფესტივალის დამფუძნებელია 23-ე ერევნის პერსპექტივების საერთაშორისო მუსიკალური ფესტივალის დირექტორი სონა ხოჰანისიანი.
