სომხეთისა და საქართველოს მინისტრების მოადგილეებმა ენერგეტიკის სფეროში თანამშრომლობის საკითხები განიხილეს
საქართველოს ეკონომიკისა და მდგრადი განვითარების მინისტრის მოადგილის რომეო მიქაუტაძის მოწვევით თბილისს ეწვია სომხეთის ტერიტორიული მართვისა და ინფრასტრუქტურის მინისტრის მოადგილე ჰაკობ ვარდანიანი, სადაც განიხილეს ორ ქვეყანას შორის ენერგეტიკული თანამშრომლობის აქტუალური საკითხები. ამის შესახებ ინფორმაციას ეკონომიკისა და სოციალური დაცვის სამინისტრო ავრცელებს.
„კერძოდ, სომხეთის რესპუბლიკასა და საქართველოს შორის ხელშეკრულებების პროექტების დასასრულებლად და ხელმოწერის მიზნით, რომელიც ეხება საგანგებო სიტუაციებში და ელექტროენერგიის მიწოდებაში გადახრების დროს ელექტრომომარაგების რეგულირებას. მინისტრის მოადგილე ჰ. ვარდანიანმა შეხვედრები გამართა საქართველოს ეკონომიკისა და მდგრადი განვითარების მინისტრის მოადგილესთან რ. მიქაუტაძესთან, ასევე საქართველოს ენერგოსისტემის რიგი კომპანიების ხელმძღვანელებთან. ვიზიტის ფარგლებში გაფორმდა ხელშეკრულება სომხეთსა და საქართველოს შორის ელექტროენერგიის მიწოდების რეგულირების შესახებ საგანგებო სიტუაციებში და ელექტროენერგიის მიწოდებაში გადახრების დროს“, – ნათქვამია განცხადებაში.
