სომეხი დეპუტატები თავიანთ შეშფოთებას გააცნობენ კუხო-ს ხელმძღვანელობას. ქოჩარიანი
სომხეთი კუხო-სგან უფრო აქტიურ ჩართულობას ელის სასაზღვრო მშვიდობის რეალობად ქცევაში. ამის შესახებ ეროვნულ ასამბლეაში ჟურნალისტებთან ბრიფინგზე განაცხადა ეროვნული თავდაცვის კომიტეტის თავმჯდომარემ ანდრანიკ ქოჩარიანმა.
აღსანიშნავია, რომ კუხო-ს გენერალური მდივანი სტანისლავ ზასი ერევანში 20 სექტემბერს ჩავიდა, სამხედრო ხელმძღვანელობას შეხვდა, არაერთი სასაზღვრო რეგიონი მოინახულა.
ქოჩარიანმა აღნიშნა, რომ ოქტომბერში მას შესაძლებლობა ექნება პირადად ესაუბროს კუხო-ს გენერალურ მდივანს ორგანიზაციის საქმიანობის შესახებ.
„ოქტომბერში სანქტ-პეტერბურგში კუხო-ს საპარლამენტო ასამბლეა გაიმართება, რომელშიც მეც მივიღებ მონაწილეობას. უფრო მეტიც, 18 ოქტომბერს საკოორდინაციო კონსულტაციაში მიიღებს მონაწილეობას ეროვნული თავდაცვის კომიტეტის თავმჯდომარის მოადგილე არმენ ხაჩატრიანი, რომელიც არა მხოლოდ გაახმოვანებს ჩვენს კითხვებს, არამედ წარმოთქვამს სიტყვას და გამოხატავს ჩვენს შეშფოთებას“, – განაცხადა ქოჩარიანმა.
კითხვაზე, რამდენად რეალურია კუხო-დან გასვლის მოლაპარაკებები, ქოჩარიანმა ასე უპასუხა.
„მიმაჩნია, რომ ეს დისკუსიები მოძველებულია. კუხო ისეთია, როგორიც არის. ჩვენი ქვეყნის საზღვრებს იცავს სომხეთის შეიარაღებული ძალები“, – განაცხადა ქოჩარიანმა.
