სომხეთის წინააღმდეგ  აზერბაიჯანის უკანასკნელი აგრესია ევროსაბჭოს საპარლამენტო ასამბლეაში განიხილება

გუშინ  სტრასბურგში მუშაობა დაიწყო  ევროპის საბჭოს დამფუძნებელი ასამბლეის საშემოდგომო სესიამ (10-14 ოქტომბერი). ევროსაბჭოს საპარლამენტო ასამბლეის პრესსამსახურის ცნობით, განხილული იქნება აზერბაიჯანის უკანასკნელი აგრესია სომხეთის წინააღმდეგ. კერძოდ, აღნიშნულია, რომ აქტუალურ საკითხებზე გაიმართება დებატები შემდეგ თემებზე: „ევროპა უკრაინის წინააღმდეგ რუსეთის აგრესიული ომის დაწყებიდან ნახევარი წლის შემდეგ“, „სასურსათო უსაფრთხოება ევროპაში:  მარცვლეულის ექსპორტი უკრაინის პორტებით“ და „სამხედრო ოპერაციები სომხეთსა და აზერბაიჯანს შორის“.  ასევე, გაიმართება გადაუდებელი დისკუსია თემაზე „რუსეთის ფედერაციის უახლესი უხეში და არაადამიანური ქმედებები“.  გარდა ამისა, დაგეგმილია დებატები დასავლეთ ბალკანეთის ევროპული პერსპექტივის, ისლამოფობიის და ანტიმუსლიმური რასიზმის წინააღმდეგ ბრძოლის თემაზე, ვაქცინირების  უგულველყოფაზე  და Brexit-ის გავლენას ირლანდიაში ადამიანის უფლებებზე. ასამბლეა ასევე განიხილავს თურქეთის, უნგრეთის და რუმინეთის მიერ აღებული ვალდებულებების შესრულების საკითხს. ასევე დაგეგმილია უკრაინის პრეზიდენტის ვლადიმირ ზელენსკის გამოსვლა ევროსაბჭოს საპარლამენტო ასამბლეაში. სიტყვით გამოვა ირლანდიის პრეზიდენტი მაიკლ ჰიგინსი, შვეიცარიის კონფედერაციის პრეზიდენტი იგნაციო კასისი და ალბანეთის პრემიერ მინისტრი ედი რამანი.