დასავლეთიდან არ ყოფილა კონკრეტული წინადადებები სომხეთსა და აზერბაიჯანს შორის დაძაბული სასაზღვრო სიტუაციის მოგვარების თაობაზე, მაგრამ მიმდინარეობს ძალისხმევა მხარეების მხარდასაჭერად. ამის შესახებ ჟურნალისტებთან გამართულ ბრიფინგზე სომხეთის საგარეო საქმეთა მინისტრის მოადგილემ პარუირ ჰოვჰანისიანმა თქვა.
„დასავლეთიდან არ არის კონკრეტული წინადადებები, მაგრამ მცდელობაა ორივე მხარის მხარდასაჭერად“, – განაცხადა მინისტრის მოადგილემ.
ბაქოს მიერ სამშვიდობო ხელშეკრულების შესახებ წარდგენილ წინადადებებზე საუბრისას, მინისტრის მოადგილემ შეახსენა, რომ წარმოდგენილ წინადადებებში სომხური მხარისთვის ფუნდამენტურად მიუღებელი პუნქტები არ არის. „ეს წინადადებები არ არის სრული, ამიტომ სომხურმა მხარემ წარმოადგინა თავისი წინადადებებიც. სამუშაოები ამჟამად მიმდინარეობს. პროცესი ორივე მხარემ დაადასტურა, რომ ის მიმდინარეობს წინაპირობების გარეშე, ეს ლოგიკა შენარჩუნებულია“, – განაცხადა ჰოვჰანისიანმა.
