ქალებს ასევე შეუძლიათ მონაწილეობა მიიღონ ტრენინგებში. თავდაცვის სამინისტრო შესაბამის პროექტს ამუშავებს
სომხეთის რესპუბლიკაში ქალ წარმომადგენლებს შეუძლიათ დარეგისტრირდნენ და გაიარონ საბრძოლო იარაღით მომზადება შესაბამის პოლიგონზე. როგორც იუწყება “არმენპრეს”-ი, ამის შესახებ მთავრობის სხდომაზე განაცხადა თავდაცვის მინისტრმა სურენ პაპიკიანმა.
მინისტრმა აღნიშნა, რომ ასევე ბევრია განცხადება ქალების მხრიდან, რომლებიც აყენებენ ტრენინგებში მონაწილეობის საკითხს.
„ჩვენ უკვე შევიმუშავეთ პროგრამა, თავდაცვის სამინისტრო გააკეთებს განცხადებას, რომ სომხეთის რესპუბლიკის მდედრობითი სქესის წარმომადგენლებს შეუძლიათ დარეგისტრირდნენ და გაიარონ საბრძოლო მომზადება შესაბამის პოლიგონზე. ეს, სურვილისამებრაა, მსურველები მოვლენ. ანუ ჩაცმულობა, საათების რაოდენობა დაზუსტდება, რა არის საჭირო მონაწილეობისთვის“, – განაცხადა პაპიკიანმა.
სრ პრემიერ-მინისტრმა ნიკოლ ფაშინიანმა, თავის მხრივ, ხაზგასმით აღნიშნა, რომ თუ იტყვიან, რომ ყველამ უნდა მიიღოს მონაწილეობა სასწავლო ბანაკებში, ყველა მათგანში ქალებიც შედიან.
„საწყის ეტაპზე შეიძლება ჩაწერის ლოგიკაზე გადავიდეთ, ქალების შემთხვევაში კი სასწავლო ბანაკის ხანგრძლივობა შეიძლება იყოს 7 ან 15 დღე. ვეთანხმები, რომ ახლა ამის გაკეთება არ შეგვიძლია, მაგრამ ეს პრობლემა ეტაპობრივად უნდა მოვაგვაროთ. რა თქმა უნდა, ამის განსახორციელებლად პირობები უნდა შეიქმნას“, – დაასკვნა ფაშინიანმა.
