ასეთი დანაშაულის ჩამდენი პირები უნდა დაისაჯონ. ნორვეგიის საგარეო საქმეთა მინისტრი სომეხი ტყვეების დახვრეტის შესახებ
ნორვეგიის საგარეო საქმეთა მინისტრი, ანიკენ ჰუტფელდტი, აზერბაიჯანელების მიერ სომეხი ტყვეების დახვრეტის ვიდეოს შემზარავად მიიჩნევს და ხაზს უსვამს, რომ პასუხისმგებელი პირები უნდა დაისაჯონ. მინისტრი დარწმუნებულია, რომ გრძელვადიანი მშვიდობა მხოლოდ მოლაპარაკებების გზით შეიძლება. ასეთი მოსაზრება მინისტრმა “არმენპრესს”-თან საუბარში გამოთქვა.
მინისტრმა ხაზგასმით აღნიშნა, რომ ის შთააგონა პრაღაში ბოლო ოთხმხრივი შეხვედრის შედეგად გაკეთებულმა განცხადებამ, რომლითაც სომხეთისა და აზერბაიჯანის ლიდერებმა კიდევ ერთხელ დაადასტურეს, რომ ორი ქვეყანა აღიარებს ერთმანეთის ტერიტორიულ მთლიანობას. მან მიიჩნია, რომ ეს მნიშვნელოვანი ნაბიჯია სწორი მიმართულებით მშვიდობიანი გადაწყვეტისკენ.
ნორვეგია ყურადღებით აკვირდება მოლაპარაკებებს სომხეთსა და აზერბაიჯანს შორის შესაძლო სამშვიდობო ხელშეკრულების შესახებ. ჰუტფელდტი თვლის, რომ გრძელვადიანი მშვიდობა მხოლოდ მოლაპარაკებების გზით მიიღწევა.
ნორვეგიის საგარეო საქმეთა მინისტრმა სომეხ კოლეგასთან არარატ მირზოიანთან შეხვედრაზე კიდევ ერთხელ დაადასტურა ნორვეგიის მზადყოფნა მხარი დაუჭიროს სომხეთის სუვერენიტეტსა და ტერიტორიულ მთლიანობას.
აზერბაიჯანის მიერ არცახის წინააღმდეგ გაჩაღებული 44-დღიანი ომისა და სომხეთის სუვერენული ტერიტორიის წინააღმდეგ განხორციელებულ უახლეს აგრესიაზე, ჰუმანიტარულ გამოწვევებზე საუბრისას საგარეო საქმეთა მინისტრმა განაცხადა, რომ მათ ესმით ის მძიმე ვითარება, რომელშიც ბევრი სომეხი აღმოჩნდა სომხეთისთვის ამ მძიმე პერიოდში. ქვეყანამ შეახსენა, რომ ნორვეგია უკვე არის ჩართული რეგიონში ჰუმანიტარული დახმარების პროგრამებში, რასაც სარგებელი მოაქვთ სომხებისთვისაც.
