სომხურ-ქართულ ათასწლიან ისტორიას ვერც ერთი პოლიტიკური მიმდინარეობა ვერ გაჰყოფს, – ამის შესახებ “რადიოლურთან” საუბარში ორდღიანი ოფიციალური ვიზიტით თბილისში მყოფმა სრ ეროვნული ასაბლეის თავმჯდომარემ ალენ სიმონიანმა განაცხადა. ორი ქვეყნის ხალხებს შორის მეტყველი და მდიდარი კავშირების კვალი უზარმაზარია და განუზომელი. სრ ეროვნული ასამბლეის თავმჯდომარემ ხაზი გაუსვა, რომ მას სჯერა საქართველოსთან ურთიერთობის მომავლის.
პარლამენტის თავმჯდომარის ოფიციალური შეხვედრები საქართველოს პრემიერ-მინისტრთან იარაკლი ღარაიბაშვილთან და მის ქართველ კოლეგა შალვა პაპუაშვილთან დაგეგმილია დღეს თბილისში, მანამდე კი სომხეთ-საქართველოს დიპლომატიური ურთიერთობების დამყარების 30 წლისთავისადმი მიძღვნილი საზეიმო ღონისძიება ორი ქვეყნის ეროვნული ასამბლეის თავმჯდომარეების ეგიდით გაიმართა. შემდეგ ორი ქვეყნის პარლამენტების სპიკერებმა „რადიოლურის“ კითხვებს უპასუხეს.
სომხეთსა და საქართველოს შორის გადაუჭრელი პრობლემები არ არსებობს
„რადიოლურთან“ საუბარში ნდობა გამოთქვა სრ პარლამენტის თავმჯდომარემ ალენ სიმონიანმა. უდავოა, რომ სომხეთსა და საქართველოს შორის გადაუჭრელი პრობლემები არ არსებობს და დარწმუნებული ვარ, რომ მომავალშიც არ გვექნება.
საქართველოს პარლამენტის თავმჯდომარემ შალვა პაპაუაშვილმა „რადიოლურთან“ საუბარში ასევე დაადასტურა, რომ სომხურ-ქართულ ურთიერთობებში არასოდეს ყოფილა ისეთი უსიამოვნო საკითხები, რომლებიც გადაუჭრელია და შეიძლება უარყოფითი კვალი დატოვონ ურთიერთობებზე.
საქართველოს შეუძლია მხარი დაუჭიროს სომხურ-აზერბაიჯანულ დიალოგს
საქართველოს პარლამენტის სპიკერმა შალვა პაპაუაშვილმა “რადიოლურთან” საუბარში განაცხადა, რომ თბილისი აგრძელებს მზადყოფნის გამოხატვას სომხეთსა და აზერბაიჯანს შორის მშვიდობის მისაღწევად.
„დღევანდელი მოვლენები ჩვენს რეგიონში ადასტურებს, რომ სამხრეთ კავკასიის მშვიდობა ევროპის მშვიდობაა. ჩვენი მიზანია მივაღწიოთ გრძელვადიან მშვიდობას ჩვენს რეგიონში, ამიტომ თბილისი მზადაა მხარი დაუჭიროს სომხურ-აზერბაიჯანულ დიალოგს ყველა ასპექტში, რათა რეგიონში მშვიდობა დამყარდეს“.
სომხეთის ეროვნული ასამბლეის პრეზიდენტი დადებითად აფასებს თბილისის მზადყოფნას და აღნიშნავს:
„საქართველო არაერთხელ გამოვიდა სხვადასხვა ინიციატივით, იყო ინიციატივაც, რომელიც წარმატებით დასრულდა, კერძოდ, საქართველომ დიდი როლი ითამაშა სომეხი ტყვეების დაბრუნებასთან დაკავშირებულ პროცესში. დარწმუნებული ვარ, მომავალი შესაძლო ფორმატები და ინიციატივებიც წარმატებული იქნება“.
