ბრიუსელის შეხვედრა გაიმართება, აზერბაიჯანს არ შეუძლია უგულებელყოს აშშ-ისა და ევროკავშირის  მოსაზრება:  პოლიტოლოგი

პოლიტოლოგი არმენ ჰოვჰანისიანის  განცხადებით, 7 დეკემბერს ბრიუსელში დაგეგმილი სომხეთისა და აზერბაიჯანის ლიდერების შეხვედრა გაიმართება. ფაქტორ ტვ-თან ინტერვიუში პოლიტოლოგი გამოთქვამს აზრს, რომ შესაძლოა თარიღი შეიცვალოს, მაგრამ შეხვედრა ნებისმიერ შემთხვევაში შედგება. https://factor.am/

ამ რამდენიმე  ხნის წინ ილჰამ ალიევმა განაცხადა, რომ 7 დეკემბერს ბრიუსელში დაგეგმილი შეხვედრა არ გაიმართება, რადგან, ბაქოს განცხადებით, სომხეთის პრემიერ-მინისტრი ამ ღონისძიებაში საფრანგეთის პრეზიდენტის ემანუელ მაკრონის სავალდებულო მონაწილეობის საკითხს აყენებს. “ეს ნიშნავს, რომ შეხვედრა არ შედგება”, – განაცხადა აზერბაიჯანის პრეზიდენტმა და დაადასტურა, რომ საფრანგეთი ვერ მიიღებს მონაწილეობას სომხურ-აზერბაიჯანულ სამშვიდობო პროცესში მისი ანტიაზერბაიჯანული მიკერძოებული პოზიციის გამო. ამ განცხადების საპასუხოდ სომხეთის საგარეო საქმეთა მინისტრმა გუშინ განაცხადა, რომ პაჰაში გამართულ ოთხმხრივ შეხვედრაზე მიღწეულია შეთანხმება მომდევნო შეხვედრასთან დაკავშირებით და სომხური მხარე აგრძელებს ამ შეთანხმების დაცვას. „აზერბაიჯანი დათანხმდა მომავალ შეხვედრაზე. სომხეთსა და აზერბაიჯანზე ზეწოლა ხდება შეხვედრის თაობაზე. ოთხმხრივი ფორმატი სრულად აკმაყოფილებს შეერთებულ შტატებს, რაც აჩვენებს, რომ ის მეხუთე მხარეა ოთხმხრივი შეხვედრების მიღმა“, – ამბობს პოლიტოლოგი. არმენ ჰოვანისიანი  მიიჩნევს, რომ აზერბაიჯანს არ შეუძლია უგულებელყო აშშ-სა და ევროკავშირის აზრი.