3 დეკემბერს სრ საგარეო საქმეთა მინისტრმა არარატ მირზოიანმა მიიღო ეუთოს მინსკის ჯგუფის ამერიკელი თანათავმჯდომარე, უფროსი მრჩეველი კავკასიის მოლაპარაკებებში ფილიპ რიკერი.
მხარეებმა განიხილეს სომხეთსა და აზერბაიჯანს შორის ურთიერთობების მოწესრიგების კუთხით ბოლო განვითარებული მოვლენები, მთიანი ყარაბაღის პრობლემა.
არარატ მირზოიანმა ხაზგასმით აღნიშნა, რომ აზერბაიჯანის მხრიდან ძალის გამოყენება და ძალის მუქარა, უწყვეტი პროვოკაციები და სამხედრო განცხადებები მთავარი დაბრკოლებაა რეგიონში სტაბილური მშვიდობის დამყარებისთვის.
მოსაზრებები გაცვალეს მთიანი ყარაბაღის სომხების უფლებებისა და უსაფრთხოების გარანტიების უზრუნველყოფაზე, აგრეთვე სტეფანაკერტსა და ბაქოს შორის დისკუსიების საერთაშორისო მექანიზმის შექმნაზე.
არარატ მირზოიანმა და ფილიპ რიკერმა იმსჯელეს სომხეთსა და აზერბაიჯანს შორის საზღვრის დემარკაციის პროცესის, ასევე რეგიონში სატრანსპორტო ინფრასტრუქტურის განბლოკვის შესახებ.
რეგიონის უსაფრთხოების გამოწვევებზე აუბრისას სომხეთის რესპუბლიკის საგარეო საქმეთა მინისტრმა განსაკუთრებით ხაზი გაუსვა აზერბაიჯანის მიერ სომხეთის რესპუბლიკის ტერიტორიული მთლიანობისა და სუვერენიტეტის წინააღმდეგ გაჩაღებული აგრესიის შედეგების აღმოფხვრასა და სომხეთის რესპუბლიკის სუვერენული ტერიტორიიდან აზერბაიჯანის შეიარაღებული ძალების გაყვანის აუცილებლობას.
